Së shpejti mund të shpenzohen IP adresat

Titulli: Së shpejti mund të shpenzohen IP adresat Mon Sep 15, 2008 11:29 pm

Së shpejti mund të shpenzohen IP adresat

Njëri nga themeluesit e internetit që e njohim sot, Vint Cerf,
thekson se ofruesit e shërbimeve për qasje në internet duhet
urgjentisht të zbatojnë mbështetje për gjeneratën e re, përndryshe do
të mund të na ndodhte që, për shkak të qasjes së numrit të madh të
pajisjeve në internet, ai të bëhet i pamundur.
Të gjitha pajisjeve të cilat në çfarëdo mënyrë i qasen internetit iu
jepen IP adresat, e aktualisht në përdorim është gjenerata e katërt e
këtij protokolli
(IPv4). Fatkeqësisht, numri ekzistues i IP adresave është i limituar -
katër miliardë, dhe me këtë vrull të prodhimit të pajisjeve, me mundësi
të qasjes në internet, të gjitha adresat mund të shpenzohen deri në
vitin 2010.

Mu për këtë arsye, organet përgjegjëse janë pajtuar që të fusin në
përdorim sistemin e adresimit IPv6, dhe këtë pothuajse para dhjetë
vitesh. Shumë pajisje të reja janë në gjendje të shfrytëzojnë sistemin
IPv6, mirëpo problemi është në atë që, ofruesit e shërbimeve nuk e kanë
zbatuar atë nga ana e tyre.

Kur një ditë IPv6 të futet në jetë tërësisht, atëherë do të jetë e
mundur që të përdoren IP adresa në numra aq të mëdhenj, sa që nuk do të
dimë as t’i shkruajmë e as t’i themi ato.