Google investon 10 Milion $ per Anroid

Google investon 10 Milion $ per Anroid

Ditë më parë ju njoftuam për qëllimin e Google për të paraqitur
sistemin e vet operativ për pajisjet mobile të emëruar Android, e tani
ju transmetojmë lajmin mbi konkursin në të cilin programuesit thirren
që të marrin pjesë në zhvillimin e aplikacioneve për Androidin.
Gjiganti i internetit Google në fund të javës së kaluar ka hedhur
poshtë të gjitha dyshimet për futjen e tij në ujërat e industrisë
telekomunikuese – në mesin e vitit të ardhshëm, shumë celularë dhe
pajisje tjera mobile sigurisht do të vihen në funksion ne sistemin
operativ të Google të emëruar Android. Që ky sistem të jetë i zhvilluar
në mënyrë sa më kualitative dhe të jetë sa më i përshtatshëm për të
gjithë shfrytëzuesit, Google bën thirrje që në përpunimin e softuerit
për Android të kyçen të gjithë programuesit e interesuar.

Të gjithë ata që dëshirojnë të kyçen në projektin e ri të Google të
emëruar Android Developer Challenge, mund ta bëjnë në këtë adresë http://code.google.com/android/adc.html,
derisa 50 më fatlumët do të shpërblehen majmë nga fondi i përgjithshëm
prej 10 milionë dollarësh. Afati për paraqitje është caktuar për 4 mars
2008.