Laptopët e DELL-it "dhurojnë" tretman elektroshoku

Laptopët e DELL-it "dhurojnë" tretman elektroshoku





Gjatë blerjes së dy modeleve të laptopëve të kompanisë Dell, një
numër i caktuar i shfrytëzuesve nuk ka qenë në dijeni që - pos fuqisë
së kompjuterit të brendit të njohur dhe dizajnit tërheqës - do të
merrnin edhe tretman elektroshoku.
Siç raporton ekipi i CNET-it, modelet e laptopëve Dell XPS M1330 si dhe
XPS M1530 ngërthejnë brenda tyre një opsion shtesë të elektroshokut, që
varion prej “dridhjeve të buta” deri tek “goditja e papritur”.

Goditjet e rrymës thuhet se paraqiten gjatë lidhjes së pajisjeve të
ndryshme periferike, si shtypësve, kompjuterëve të dorës PDA etj., me
dy modelet e serisë XPS të Dell-it.

Në Dell janë në dijeni për këtë dhe gjoja kanë zbuluar problemin, i
cili ka lidhje me mbushësit, të cilët vijnë me këto dy modele të
përmendura të laptopëve.

Sido që të jetë, në Dell kanë paralajmëruar ndërrimin pa pagesë të mbushësve problematik.