Shtypësit laserik të rrezikshëm për shëndetin

Shtypësit laserik të rrezikshëm për shëndetin

Shtypësit laserik mund t’i bëjnë dëm shëndetit. Shumë prej tyre
përmbajnë toner i cili emeton grimca shumë të vogla të dëmshme. Ndotja
e ajrit nganjëherë është e krahasueshme me tymin e cigares, derisa
futet në pjesët më thella të mushkërive.
Kjo sipas analizës të cilën e kanë kryer shkencëtarët australianë, të
cilët thonë se përqindja e madhe e shtypësve shtëpiakë dhe atyre të
zyrës janë të dëmshëm për shëndetin.

Nga 62 shtypës sa janë testuar, tek 25 prej tyre është gjetur toneri i
cili emeton grimca të dëmshme. Në hulumtimin, rezultatet e të cilit i
ka publikuar revista e njohur “Environmental Science & Technology”,
janë gjetur shtypësit e prodhuesve të njohur.

Doktoresha Lidia Morawska me kolegët e saj nga universiteti “Queesland
University of Technology”, i ka klasifikuar 17 nga 62 shtypësit si
kritik. Tek njëri prej tyre, emetimi i grimcave të dëmshme ka qenë i
krahasueshëm me atë të një cigareje të ndezur. Tek dy shtypës tjerë
është vërejtur diç më pak, derisa tek gjashtë sish sasi e ulët e
substancave të dëmshme. Emetimi i dëshmuar është përshkruar si kërcënim
serioz për shëndetin.

Për shkak të dimensioneve të vogla të grimcave të dëmshme, është lehtë
të thithen dhe ato gjejnë rrugën deri tek pjesët më të thella të
mushkërive. Pasojat mund të janë nga irritimet e vogla e deri tek
problemet kardiovaskulare dhe kanceri.