Finlandezët apelojnë për bojkotimin e Nokias

Finlandezët apelojnë për bojkotimin e Nokias







Dega finlandeze e rrjetit anti-globalist, Attac, ka bërë thirrje për
bojkotimin të pajisjeve celularë të markës Nokia, për shkak të
zhvendosjes së paralajmëruar të prodhimit nga Gjermania në Rumani.
"Vendimi i Nokias për mbylljen e fabrikës në Bochum dhe largimin e
2.300 të punësuarve dëshmon se në çfarë mase kapitalizmi është
jonjerëzor", ka deklaruar përfaqësuesi i Attac-ut finlandez, Mikko
Sauli, të hënën në Helsinki, duke sqaruar thirrjen për bojkot të
produkteve të Nokias.

Attac ka për qëllim të mbledh dhe grupet tjera kombëtare nga rrjeti i saj në aksion ndërkombëtar të bojkotit.

Vendimi i Nokias që prodhimin nga Bochumi ta zhvendos në Cluj të
Rumanisë tregon për nevojën e “kornizave ndërkombëtare të cilat do të
sigurojnë përgjegjësinë sociale", është thënë nga Attac-u finlandez.

Gjatë disa ditëve të fundit, politikanët kryesor të Gjermanisë kanë
deklaruar që tani e tutje nuk do të përdorin më celularë të kompanisë
Nokia.