Së shpejti ekrani LED me diagonale prej 3.5 metrash

Së shpejti ekrani LED me diagonale prej 3.5 metrash

Të jesh i pari për diçka në botën e teknologjisë është një gjë për të
cilën mundohen të gjithë prodhuesit, e nëse mund tu besohet
paralajmërimeve, ekrani më i madh në botë së shpejti do të del nga dega
e kompanisë Mitsubishi Digital Electronics në Amerikë.
Kompania Mitsubishi Digital Electronics ka njoftuar publikun që ka
prodhuar ekranin LED me diagonale prej 140 inçësh, i cili do të mund të
përdorej për qëllime reklamimi në aeroporte, stadiume sportive, në
qendra tregtare dhe hapësira të ngjashme.

Për dallim nga dimensionet ekzistuese të ekraneve LED me dimensione të
mëdha, të cilët janë të përbërë nga disa pjesë, ky që ka paraqitur
Mitshubishi, i quajtur Resolia, është përpunuar nga një pjesë e vetme.
Ekrani në fakt mund të ndahet edhe në dy pjesë, por ekskluzivisht për
hir të transportit më të lehtë.