Para nesh është viti i laptopëve

Titulli: Para nesh është viti i laptopëve Tue Sep 16, 2008 2:16 pm

Analistët parashikojnë se gjatë vitit 2008
në Shtetet e Bashkuara të Amerikës do të shiten më shumë laptopë sesa
desktopë (kompjuterë tavoline). Edhe pse këto parashikime ekzistojnë me
vite, tash edhe në të vërtetë do të mund të realizoheshin.
Gjatë vitit 2007 në tregun amerikan u shënua
rritja e shitjes së laptopëve për 21%, derisa gjatë të së njëjtës kohë,
shitja e desktopëve ka shënuar rënie prej 4%. Në numra, kjo është 31.6
milionë laptopë të shitur dhe 35 milionë desktopë.

Nuk është e vështirë të konkludohet se ky dallim po zvogëlohet aq
shpejt sa që gjatë vitit 2008 do të shiten më shumë laptopë sesa
desktopë. Këtij pohimi i shkon në favor edhe zvogëlimi i dallimeve në
performansa të dy llojeve të kompjuterëve dhe rënia e vazhdueshme e
çmimit të laptopëve.

Gjatë vitit 2007 është rritur edhe numri i pikave për internet wireless
(pa tela), prandaj nuk është për t’ua zënë për të madhe as
institucioneve edukative, të cilat nga studentët kërkojnë blerjen e
laptopëve.

Në fund të fundit, edhe kompanitë e mëdha çdo ditë e më shumë po
kthehen blerjes së laptopëve, andaj IDC parashikon që deri në vitin
2011, 66% e kompjuterëve të blerë për afarizëm do të jenë laptopë.

Krejt këto trende, të shënuara në SHBA, por janë shumë të ngjashme në
pjesën tjetër të botës andaj mund të presim edhe tek ne që gjatë vitit
2008 të shohim prani më të madhe të laptopëve.