Celular multimedial me ekran të ndjeshëm në prekje

Samsungu jug-korean i ka paraqitur publikut celularin e saj e tij më
të ri të pajisur me mundësi multimediale, e lajmi i mirë është që ky
celular i dedikohet pikërisht tregut evropian.
Samsung F490 do të duhej që në tregjet e disa vendeve evropiane të
paraqitet qysh prej muajit shkurt, dhe atë me çmim rreth 530 euro.
Çmimi tingëllon bukur “i kripur”, por kur shikohet se çfarë përmban nën
mbështjellësin e tij, bëhet e qartë pse çmimi është aq i lartë.

F490 përmban ekran me diagonale pre 3.2 inçësh dhe në tërësi është i
ndjeshëm në prekje, derisa ai mundëson paraqitjen e fotografive, video
materiale dhe përmbajtjeve të internetit në formatin 16:9, mirëpo
shfrytëzuesit të cilët duan mund ta përdorin atë edhe në mënyrë
klasike.




Pos tjerash bëhet fjalë për pajisjen HSDPA/UMTS/EDGE me kamerë të
integruar prej 5-megapikselësh, mbështetje për pothuajse të formatet e
dosjeve audio e video, mbështetje të plotë për të shëtitur nëpër
internet dhe me shfletuesin paraprakisht të instaluar Google, 130 MB të
memories së integruar të cilën nëpërmes qasjes microSD është e mundur
të zmadhohet edhe më shumë, pesha e pajisjes është 102 gramë, derisa
dimensionet e tij janë 115 x 53.5 x 11.8 milimetra.

Pjesa për udhëheqjen me celularin Samsung F490, e quajtur Croix UI, ka
fituar çmimin e sivjetmë të iF Communication Design Award 2007 dhe
thuhet që mundëson përjetim të mirë gjatë udhëheqjes me mundësitë që
ofron nëpërmes ekranit të ndjeshëm në prekje.