Microsofti jep veglat për zhvillim të programeve

Microsofti jep veglat për zhvillim të programeve

Microsoft ka bërë të ditur se do
të shpërndajë gratis për studentë dhe nxënës të shkollave të mesme
veglat për zhvillim dhe dizajn të programeve të ndryshme. Poashtu,
përveç këtyre veglave, Microsoft jep në shfrytëzim edhe veglat e
nevojshme për zhvillim të lojërave të cilat do të mund të luhen në
konzolat Xbox. Kjo ofertë tani për tani është në disponim vetëm për
studentët nga Amerika, Europa perëndimore dhe Kina, por në Microsoft
planifikojnë që këtë ofertë ta zgjerojnë edhe në tërë botën.

Projekti i quajtur DreamSpark do të prezentohet zyrtarisht gjatë
turneut të Gatesit nëpër fakultetet amerikane dhe kanadeze. Me këtë
program rinia e interesuar do të mund të ketë në dorë pa pagesë
programe të shtrenjta zhvillimore si Visual Studio dhe Express Studio,
të cilat janë rivale të Creative Suite të Adobe e cila po përdoret
gjithnjë e më shumë dhe për të cilën Microsoft mendon se është me e
popullarizuar vetëm pse njerëzit janë mësuar me të. Duke shfrytëzuar
gratis programin Express Studio, dizajnerët e ardhshëm do të mundnin
fare lehtë të kalonin pikërisht në përdorimin e kësaj vegle. Përveç
kësaj, Microsoft jep në shfrytëzim edhe veglën zhvillimore XNA Game
Studio për krijimin e lojërave dhe anëtarësim njëvjeçar në XNA Creators
Club, në mënyrë që developerët potencialë t'i sjellin lojërat e tyre
për Xbox. Edhe pse është evidente dëshira e
Microsoftit që developerët e ardhshëm që prej "hapave të parë" të
fillojnë të shfrytëzojnë programet e kësaj kompanie, të cilat në të
ardhmen do t'i paguanin shtrenjtë, megjithatë ky program është i
shkëlqyeshëm sepse të rinjtë më në fund do të mund të punojnë në
softver të shtrenjtë të cilin nuk do të kenë nevojë ta blejnë nëpër
pazare nëpër botë. Për më shumë informata vizitoni
adresën
https://downloads.channel8.msdn.com/