Google kompania me reputacionin më të mirë

Ekziston
një rrymë e ekspertëve dhe analistëve të cilët pohojnë se Google sipas
shumë gjërave është Microsofti i ri dhe se pikërisht kjo kompani do të
dominojë botën e teknologjive informative gjatë dhjetë viteve të
ardhshme, ashtu siç ka bërë Microsoft gjatë viteve të 90-ta.

Tani ka ardhur edhe një vërtetim i kësaj teze – Google është shpallur si kompania më e adhuruar amerikane.

Tregimet
për kushtet e punës në Googleplex veçmë janë legjendare – mini-pishina
për not me shpëtimtarë në kujdestari të përhershme, ushqim i shëndoshë
pa pagesë, hapësira të pajisura në mënyrë luksoze për relaksim dhe
zbavitje si dhe liri e madhe për rregullimin e vendit të punës sipas
dëshirës së të punësuarve – krejt këto bëjnë që Google të jetë një nga
kompanitë në të cilat secili ekspert i IT-së të ketë dëshirë të punojë.


Kjo tanimë është konfirmuar edhe me raportin vjeçar të shtëpisë
analitike Harris Interactive, sipas të cilit Google është kompania me
reputacionin më të mirë në SHBA. Nga vendi i parë e ka larguar
Microsoftin, i cili me vite të tëra ka kryesuar listën, e tani ka rënë
në vendin e dhjetë të saj.