30-vjetori i mailave të padëshiruar

30-vjetori i mailave të padëshiruar



E-mail porosia e parë e padëshiruar është dërguar para 30 vjetësh. Këtë porosi me qëllim reklamimi e kishte dërguar Gary Thurek,
ndërsa e kishin pranuar 393 shfrytëzues të Arpanetit, paraardhësit të
Internetit të sotëm. Pasi që Thurek nuk e kishte fshehur identitetin e
tij, një numër i madh reagimesh negative ishin dërguar direkt tek ai.



Sot, prej numrit të përgjithshëm të mailave spamit i takojnë 80 deri 90 për qind, në ditë dërgohen rreth 120 miliardë
e-mail porosi të padëshirueshme, ndërsa në këtë industri qarkullon edhe
para e madhe. Edhe pse Bill Gates që në vitin 2004 kishte premtuar se
bota do të jetë pa spam në vitin 2006, zgjidhja nuk duket gjëkundi as
sot e kësaj dite. Përkundrazi, vlerësohet se këtë vit në luftën kundër
spamit nëpër botë do të shpenzohen rreth 140 miliardë dollarë.