Downlodimi ilegal i muzikës, trend në Britani

Hulumtimet
kanë treguar se 96 % e të rinjve britanik të moshës nga 14 deri në 24
vjet, shkarkojnë muzikë në internet, nga të cilët 63% në mënyrë
ilegale, dhe me të nuk kanë kurrfarë problemi moral ose dyshimi.

Sipas
hulumtimit të Universitetit Hertfordshire, pozitive është që të rinjtë
e duan muzikën më shumë se gjeneratat e vjetra, por problemi është aty
se ata kryesisht vijnë tek muzika me anë të huazimit ose kopjimit.

Rreth
90% e të anketuarve kanë pasur MP3-player të tyre, në të cilin kanë
pasur mesatarisht 1770 këngë, prej të cilave gjysma janë marrë në
mënyrë ilegale.

58% e tyre e kanë kopjuar muzikën nga disqet e
miqve, ndërsa 95% e tyre e kanë pasuruar arkivin muzikor nga burime të
paemërtuara.

Sa i takon downloadimit, 63% shfrytëzojnë
internetin për të marrë muzikë nga ndonjë rrjet P2P, ndërsa 42% e tyre
lejojnë që edhe të tjerët të kenë qasje në arkivin e tyre muzikor.

Madje, 80% e shfrytëzuesve të P2P, janë të interesuar për shkëmbim ilegal të fajllave, dhe janë të gatshëm të paguajnë për të.

Por,
CD-të nuk kanë vdekur. Megjithëse vazhdimisht rritet mundësia e qasjes
tek muzika pa pagesë, sërish rreth 60 e të rinjve britanikë vazhdojnë
të blejnë CD.

Të anketuarit mesatarisht shkarkojnë rreth 53 këngë në muaj, por ka edhe prej tyre që dinë të shkarkojnë deri në 5 mijë këngë.