Celular me dy fytyra në variantin kinez

Kinezët edhe një herë kanë dëshmuar se mund të punojnë krejt atë
çfarë shohin. Kjo më së shumti është vërtetuar me pajisje të shumta të
klonuara nga teknologjia informuese dhe komunikuese.

Telefonat celularë, mund të thuhet se janë specialiteti i tyre, e
dëshmia më e re është kopjimi fantastik i modelit, Shuang Mian Yi Ren
V8.



Pas këtij emri fshihet kopja e përsosur e modeleve të Samsungut F300 e
F500. Sikur edhe origjinali, ky model po ashtu ka dy fytyra. Pjesa e
tij e përparme i dedikohet funksioneve të zakonshme të telefonave
celularë (bisedave, dërgimit dhe pranimit të mesazheve me tekst dhe të
tjera), derisa pjesa e përparme i dedikohet funksioneve të tij
multimediale. Sipas dukjes, siç është rasti tek modeli i Samsung-ut,
pjesa e prapme të kujton player-in e muzikës të popullarizuar të
Apple-it, iPod.



Mund të thuhet që pjesa e prapme është punuar në mënyrë të përsosur, e
ndoshta për kualitet ia kalon edhe zgjidhjes që i ka bërë Samsung. Me
opsionet muzikore udhëhiqet nëpërmes butonit navigues (si te iPod-i).
Funksionet multimedial përfshijnë audio-palyer për riprodhim të
përmbajtjeve në formatin MP3 dhe riprodhim të përmbajtjeve video në
formatin MP4. Të dy fytyrat e telefonit kanë display TFT LCD, me ç’rast
në pjesën e përparme është një ekran më i vogël me diagonale prej 1.4
inçësh, përderisa në pjesën e prapme më i madh, me diagonale prej 2.4
inçësh.



Telefoni i përket modeleve GSM. Përmban kamerë të integruar me
rezolucion solid prej dy megapikselësh, e për të zmadhuar memorien e
brendshme ekziston qasje për kartelën e formatit microSD. Së bashku me
telefonin jepet edhe kartela me kapacitet prej 128 MB, bateria për
mbushje, mbushësi, kablloja për lidhje dhe udhëzuesi për përdorim.



Ajo çfarë është më e çuditshmja dhe më tërheqësja tek ky modeli është
pikërisht çmimi. Është shumë më i lirë sesa origjinali nga Samsungu, i
cili është rreth 300 dollarë amerikanë, ndërsa ky vetëm 131 dollarë.