Sony Ericsson i lidhur me YouTube

Sony Ericsson i lidhur me YouTube




Sony Ericsson ka konfirmuar ekzistimin e celularit G705
me performansa të shkëlqyera i cili ofron integrimin me shërbimin e
videove online – YouTube.Modeli rrëshqitës G705 është celular i
pastër 3G me performansa të larta. Karakteristika e tij që dallohet më
së shumti është ekrani me diagonale prej 2.4 inçësh dhe rezolucion 240
x 320 piksela. Për shfletim më të rehatshëm të internetit prodhuesi në
telefon ka integruar shfletuesin e plotë HTML dhe programin për leximin
e materialeve nëpërmes furnizuesit RSS.

Lidhja në internet është e mundur, përveç nëpërmes lidhjes mobile, po
ashtu edhe falë ndihmës së adapterit WiFi të cilin e posedon ky
celular, derisa është gjetur vend edhe për receptorin GPS i lidhur me
Google Maps.

Memoria e integruar në vet telefonin ka kapacitet prej një gigabajt, që
do të duhej të ishte e mjaftueshme për ruajtjen e fotografive dhe video
materialeve të incizuara me kamerën e integruar me rezolucion prej 3.2
megapikselash.

Sony Ericsson ka realizuar partneritet me Google, prandaj video
incizimet e bëra me këtë telefon mund të vendosen drejtpërdrejt në
YouTube. Ende nuk ka të dhëna për çmimin e rekomanduar të shitjes së
kësaj pajisje, derisa shitja e saj duket se do të fillojë në tremujorin
e parë të vitit të ardhshëm.