Bashkëpunimi Sony-Sharp për prodhimin e ekraneve LCD

Bashkëpunimi Sony-Sharp për prodhimin e ekraneve LCD



Gjigantët elektronik japonez, Sony dhe Sharp, kanë paralajmëruar
krijimin e kompanisë së përbashkët e cila do të merrej me prodhimin dhe
shitjen e ekraneve të mëdha, me kristale të lëngëta (LCD), të dedikuar
për televizorë.
Me këtë bashkëpunim dëshirojmë të kombinojmë teknologjinë e avancuar të
Sharpit për prodhimin e televizorëve LCD me konkurrencën e televizorëve
LCD të Sonyt në tregun botëror, thuhet në njoftimin e përbashkët të dy
kompanive.

Tani ka mbetur vetëm që edhe qeveria japoneze të miratojë krijimin e
kompanisë së përbashkët në mes të gjigantëve Sony dhe Sharp.

Nëse ky miratim arrihet të merret, Sony do të ketë 34 për qind të
aksioneve në kompaninë e përbashkët, derisa Sharp do të ketë pjesën
tjetër prej 66 për qind.

Kompania e përbashkët do të kishte për qëllim të udhëheq me fabrikën e
re të ekraneve LCD të cilën Sharp është duke ndërtuar në Japoni, me
investim prej 380 miliardë jenë (2.38 miliardë euro).

Fabrika do të duhej të nis punën në muajin mars të vitit 2010, kur edhe
do të duhej të fillojë funksionimi i kompanisë së përbashkët.

Kjo do të jetë fabrika më moderne në botë, e cila në fillim do të
prodhojë brenda muajit 36.000 LCD tabela me dimensione 3.05 x 2.85
metra, ka njoftua agjencia e lajmeve Reuters.